როგორ გავიაროთ ინგლისური სიტყვების ცოდნის ტესტი
ინგლისური სიტყვების მარაგის შესამოწმებლად გაიარე ოთხი ნაბიჯი, თითოეულში 30 ვარიანტით. ყოველ სიაში მონიშნე სიტყვები, რომელთა ერთი მნიშვნელობის გახსენება მაინც დამოუკიდებლად შეგიძლია. თუ მხოლოდ დაწერილ ფორმას ცნობ, თარგმანს კი ვერ იხსენებ, სიტყვა მოუნიშნავი დატოვე.
ტესტი უფასოა, რეგისტრაცია და აპლიკაციის დაყენება არ გჭირდება. პასუხები შესამოწმებლად ბოლო ნაბიჯის შემდეგ იგზავნება; მანამდე წინა სიაში დაბრუნება და არჩევანის შეცვლა შეგიძლია.
- მონიშნე სიტყვები მინიშნებების გარეშე შემოწმებისას მთარგმნელი ან ლექსიკონი არ გამოიყენო. წინააღმდეგ შემთხვევაში შედეგში ის სიტყვებიც მოხვდება, რომელთა მნიშვნელობაც ახლახან ნახე.
- გაიარე ოთხივე ნაბიჯი თუ სიაში ნაცნობი სიტყვა არ არის, არაფერი მონიშნო და გააგრძელე. შემთხვევითი პასუხების შესამოწმებლად სიებში გამოგონილი ვარიანტებიცაა: მათი მნიშვნელობის გამოცნობა საჭირო არ არის.
- ნახე შედეგი მეოთხე ნაბიჯის შემდეგ დააჭირე „შედეგის ნახვას“. გამოჩნდება საერთო შეფასება, საორიენტაციო დიაპაზონი და თითოეულ სიაში მონიშნული ნამდვილი სიტყვების რაოდენობა.
როგორ გამოითვლება სიტყვების მარაგი
ყოველ ნაბიჯში 27 ნამდვილი ინგლისური სიტყვა და 3 გამოგონილი ვარიანტია. ჯამში 108 ნამდვილი სიტყვა მოწმდება, შეფასება კი 5000-სიტყვიანი ბაზისთვის გამოითვლება. კითხვები ოთხი სიხშირული დიაპაზონის წინასწარ მომზადებული სიებიდან ირჩევა: 1-500, 501-1500, 1501-3000 და 3001-5000.
თითოეულ დიაპაზონში სისტემა ითვლის ნაცნობად მონიშნული ნამდვილი სიტყვების წილს. მას აკლდება მთელ ტესტში მონიშნული გამოგონილი ვარიანტების წილი; ნულზე ნაკლები მნიშვნელობა ნულით იცვლება. მიღებული წილი მრავლდება დიაპაზონის მოცულობაზე: 500, 1000, 1500 ან 2000 სიტყვაზე. შედეგები ჯამდება და ათეულებამდე მრგვალდება.
მაგალითად, მეორე სიაში მონიშნულია 27 ნამდვილი სიტყვიდან 13, მთელ ტესტში კი არცერთი გამოგონილი ვარიანტი არ არის მონიშნული. 1000-სიტყვიანი დიაპაზონისთვის შეფასება დაახლოებით 480 სიტყვა იქნება. ასე მცირე შერჩევაზე გაცემული პასუხებით მთელი დიაპაზონის ნაცნობი ლექსიკის მიახლოებითი შეფასება შეიძლება.
რას ნიშნავს ტესტის შედეგი
შედეგი ხშირი სიტყვების ბაზის შენთვის ნაცნობი ნაწილის შეფასებაში გეხმარება. მაგალითად, 2000 ნიშნავს დაახლოებით 2000 ნაცნობ სიტყვას 5000-დან: ეს ტესტის პასუხებზე დაფუძნებული შეფასებაა. შედეგის ზედა ზღვარი 5000 სიტყვაა; ამ ბაზის მიღმა არსებული ლექსიკა გამოთვლაში არ შედის.
ტესტი პასიური სიტყვების მარაგის შეფასებაში გეხმარება: იმ სიტყვების, რომლებსაც კითხვისას ცნობ და რომელთა მნიშვნელობაც გახსოვს. შემოწმება შენს მონიშვნებს ეყრდნობა, თარგმანის შეყვანისა და წინადადებების შედგენის გარეშე. აქტიური მარაგი კი ის სიტყვებია, რომლებსაც დამოუკიდებლად იხსენებ და საუბარსა თუ წერაში იყენებ. მის შესაფასებლად ცალკე დავალებებია საჭირო, რომლებზეც პასუხს თავად ადგენ.
A1-C1 აღნიშვნები Luveng-ის შიდა პირობითი ორიენტირებია და შემდეგი მეცადინეობებისთვის ლექსიკის შერჩევაში გეხმარება. ისინი CEFR-ის მიხედვით ინგლისურის დონეს არ ადასტურებს: სრული შეფასება მოსმენილის გაგებას, კითხვას, წერასა და ურთიერთობის უნარსაც მოიცავს.
სხვა ლექსიკური ტესტების შედეგები შეიძლება განსხვავდებოდეს: მათში სხვა სიები, დავალებები და დათვლის ერთეულები გამოიყენება. ცალკეული სიტყვების რაოდენობას პირდაპირ ვერ შევადარებთ სიტყვათა ოჯახების რაოდენობას, რომლებშიც მონათესავე სიტყვებია გაერთიანებული.
რამდენი სიტყვაა ინგლისურ ენაში და რამდენი უნდა ვიცოდეთრამდენად ზუსტია სიტყვების მარაგის შემოწმება
მოკლე ტესტი მიახლოებით შეფასებას იძლევა, რომელიც სიტყვების შერჩევისა და მეცადინეობის დაგეგმვისთვის გამოგადგება. შედეგზე გავლენას ახდენს შერჩეული სიტყვები და ის, რამდენად ზუსტად ნიშნავ ნაცნობ ლექსიკას. გამოგონილი ვარიანტები შემთხვევითი მონიშვნების გათვალისწინებაში გვეხმარება. ნამდვილი სიტყვების მნიშვნელობების ცოდნას თავად ამოწმებ: სიტყვა მხოლოდ მაშინ მონიშნე, თუ თარგმანს მინიშნების გარეშე იხსენებ.
შედეგის გვერდით მოცემული დიაპაზონი Luveng-ის ფორმულით განსაზღვრული ორიენტირია და არა სტატისტიკურად დადასტურებული ნდობის ინტერვალი. გადახრა შეფასების 15-25%-ია, თუმცა თითოეული მიმართულებით სულ მცირე 100 სიტყვას შეადგენს. ქვედა ზღვარი ნულს არ ჩამოსცდება, ზედა კი 5000-ს არ აღემატება. გადახრის ზომაზე მონიშნული გამოგონილი ვარიანტების წილი მოქმედებს.
პროგრესის დასაკვირვებლად ტესტი სწავლის გარკვეული პერიოდის შემდეგ, იმავე პირობებში გაიმეორე. ყოველი გაშვებისას ნამდვილი სიტყვების ნაკრები თავიდან ირჩევა: ზოგი სიტყვა შეიძლება განმეორდეს, შედეგის მცირე მერყეობა კი შერჩეულ ლექსიკას უკავშირდებოდეს. ამიტომ რამდენიმე შემოწმების განმავლობაში ცვლილებაზე დაკვირვება უფრო სასარგებლოა, ვიდრე ზედიზედ ორ მცდელობას შორის სხვაობის შედარება.
რა გავაკეთოთ ტესტის შემდეგ
ნახე არა მხოლოდ საერთო რიცხვი, არამედ თითოეული დიაპაზონის შედეგიც. ეს დაგეხმარება, აირჩიო, რომელი სიხშირული ჯგუფიდან დაიწყო სიტყვების უფრო დეტალურად დათვალიერება. მეცადინეობისთვის გახსენი სავარჯიშო და თავად მონიშნე, რომელი სიტყვები იცი და რომლის სწავლა გინდა.
მეცადინეობის შინაარსს თავად განსაზღვრავ: სავარჯიშოში გაკვეთილებისთვის ინახება სიტყვები, რომლებიც უცნობად მონიშნე. სწრაფი ტესტის პასუხები მათ ავტომატურად არ ამატებს. სწავლის გარკვეული პერიოდის შემდეგ მარაგი ისევ იმავე პირობებში შეამოწმე: მთარგმნელისა და შემთხვევითი მონიშვნების გარეშე.
სიტყვების შერჩევა სასწავლად